| YouTube Channel

रसधेनु (rasadhenu)

 
Monier Williams Cologne
English
रस—धेनु
f.
 a cow consisting of fruit-juice,
Hcat.
शब्दकल्पद्रुमः
Sanskrit
रसधेनुः,
स्त्री,
 (रसकल्पिता धेनुः ।) दानार्थे-क्षुरसनिर्म्मितधेनुः । यथा, --होतोवाच ।“रसधेनुं महाराज कथयामि समासतः ।अनुलिप्ते महीपृष्ठे कृष्णाजिनकुशास्तरे ॥
रसस्य तु घटं राजन् संपूर्णमैक्षवस्य च ।तद्वत् संकल्पयेत् प्राज्ञश्चतुर्थांशेन वत्सकम् ॥
इक्षुदण्डमयाः पादा रजतक्षुरसंयुताः ।सुवर्णशृङ्गाभरणां वस्त्रपुच्छां घृतस्तनीम् ॥
पुष्पकम्बलसंयुक्तां शर्करामुखजिह्विकाम् ।दन्ताः फलमयास्तस्याः पृष्ठताम्रमयीं शुभाम् ॥
पुष्परोमान्तु राजेन्द्र मुक्ताफलकृतेक्षणाम् ।सप्तव्रीहिसमायुक्तां चतुर्द्दिक्षु च दीपिकाम् ॥
सर्व्वोपस्करसंयुक्तां सर्व्वगन्धादिवासिताम् ।चत्वारि तिलपात्राणि चतुर्द्दिक्षु निवेशयेत् ॥
ब्रह्मणे वेदविदुषे श्रोत्रियायाहिताग्नये ।पुराणज्ञे विशेषेण साधुवृत्ताय धीमते ॥
तादृशाय प्रदातव्या रसधेनुः कटम्बिने ।सर्व्वलक्षणयुक्ताय श्रोत्रियाय कुटुम्बिने ॥
रसधेनुः प्रदातव्या सर्व्वकामेण नित्यदा ।दाता स्वर्गमवाप्नोति सर्व्वपातकवर्ज्जितः ॥
दाता च ग्राहको वाथ एककालमभोजनः ।सोमपानफलं तस्य सर्व्वक्रतुफलं लभेत् ॥
दीयमानान्तु पश्यन्ति ते यान्ति परमां गतिम् ।धेनुञ्च पूजयित्वाग्रे गन्धधूपस्रगादिभिः ॥
पूर्व्वोक्तैरेव मन्त्रैस्तु ततस्तां प्रार्थयेत् सुधीः ।प्रार्थनापूर्व्वकं भक्त्या द्विजाग्र्याय निवेदयेत् ॥
दश पूर्व्वान् परांश्चैव आत्मानञ्चैकविंशकम् ।प्रापयेत् परमं स्थानं स्वर्गान्नावर्त्तते पुनः ॥
एषा ते कथिता राजन् रसधेनुरनुत्तमा ।ददस्व च महाराज परं स्थानमवाप्नुहि ॥
य इदं पठते नित्यं शृणुयादथ भक्तितः ।सर्व्वपापविनिर्मुक्तो विष्णुलोके महीयते ॥
”इत्यादि वाराहपुराणे श्वेतोपाख्याने रसधेनु-माहात्म्यं समाप्तम् ॥
वाचस्पत्यम्
Sanskrit
रसधेनु स्त्री दानार्थं कल्पितायाम् इक्षुरसनिर्मितायां धेनौधेनुशब्दे ३९०९ पृ० दृश्यम् ।