| YouTube Channel

मञ्जुघोषः (maJjughoSaH)

 
Wordnet
Sanskrit
Synonyms:
 कामकाकुरवः, मञ्जुघोषः, मदोत्कटः
noun
कपोतसदृशः खगः यस्य वर्णः मलिनरक्तमिश्रितः अस्ति।
"व्याधेन एकेन एव बाणेन कामकाकुरवः भूमौ पातितः।"
शब्दकल्पद्रुमः
Sanskrit
मञ्जुघोषः,
पुं,
 (मञ्जुर्मनोहरो घोषः शब्दोऽस्य ।)पूर्व्वजिनभेदः । इति त्रिकाण्डशेषः ॥
उपास्य-देवताविशेषः । अस्य मन्त्रादि यथा, --“जाड्यौघतिमिरध्वंसी संसारार्णवतारकः ।श्रीमञ्जुघोषो जयतां साधकानां सुखावहः ॥
”तत्रागमोत्तरे ।“मातृकादि समुद्धत्य वह्निबीजं समुद्धरेत् ।वामांसं कूर्म्मसंज्ञञ्च ततो मेषेशमुद्धरेत् ॥
मीनेशञ्च ततः कुर्य्यात् वामनेत्रेन्दुसंयुतम् ।षडक्षरो मनुः प्रोक्तो मञ्जुघोषस्य शम्भुना ॥
इयस्तु दीपनी प्रोक्ता मूलमन्त्रस्तु कथ्यते ।अङ्कुशं शक्तिबीजञ्च रमाबीजं ततः प्रिये ! ॥
बीजत्रयात्मको मन्त्रो जाड्यौघध्वान्तनाशनः ।शक्तिबीजं रमाबीज कामबीजं तथा प्रिये ! ॥
विद्या श्रुतिधरी प्रोक्ता एषा वर्णत्रयात्मिका ।हकारो वह्निमारूढो बालनेत्रेन्दुभूषितः ।प्रोक्ता सार्व्वज्ञविद्येयं एकवर्णात्मिका प्रिये ! ॥
सिद्धः साध्यः सुसिद्धो वा साधकस्य रिपुश्च वा ।तदा मन्त्रो भवेद्भक्त्या शुभदो बुद्ध्विदो भवेत् ॥
मध्याह्ने सलिले चैव भोजने भाजने तथा ।गोमये तु बहिर्द्देशे मैथुने रमणीकुचे ॥
गोष्ठे च निशि गोमुण्डे यन्त्रं डमरुसन्निभम् ।विलिख्य मन्त्रवर्णांश्च त्रिश ऊर्द्ध्वे अधस्तथा ।लिखेच्चन्दनलेखन्या प्रयत्नात् साधकोत्तमः ।उच्चाटने लिखेद्यन्त्रं गोचर्म्मणि विशेषतः ।सलिले विजयी नित्यं भजने च महेश्वरः ॥
गोमये वावदूकः स्याद्गोष्ठे सर्व्वज्ञतां व्रजेत् ।कुचे श्रुतिधरो नित्यं गोमुण्डे च महाकविः ॥
गोमूत्रं वदरीमूलं चन्दनं पांशुमेव च ।एकीकृत्याष्टधा जप्त्वा तिलकं धारयेत् सदा ॥
नमस्कृत्य वरं श्रेष्ठं प्रार्थयेद्भक्तितत्परः ।वरं प्राप्य च तस्माद्वै विहरेत्तु यथासुखम् ॥
नान्यदेवार्च्चनं स्नानं प्रणवोच्चारणं न तु ।वस्त्राञ्चलेन दन्तानां शोधनं लवणेन वा ॥
रात्रिवासो न मुञ्चेत न शुचिः स्यात् कदा-चन ।एवं कृत्वां प्रयत्नेन ज्ञात्वा गुरुमुखात् सुधीः ॥
मासैकेन कवीन्द्रः स्यात् द्विमासेनैव ईश्वरः ।त्रिभिर्मासैर्भवेन्मर्त्यः सर्व्वशास्त्रविशारदः ॥
पुत्त्रार्थी लभते पुत्त्रं धनार्थी विपुलं धनम् ।आयुरारोग्यकामस्तु सर्व्वान् कामानवाप्नुयात् ॥
ततः कराङ्गन्यासौ ।क्षां शां अङ्गुष्ठाभ्यां नमः । इत्यादि एवं हृद-यादिषु । तथा च तन्त्रे ।“सम्बर्त्तको वकेशश्च द्वौ वर्णौ कथितौ प्रिये ! ।षड्दीर्घभाग्म्यामेताभ्यां षडङ्गानि समाचरेत् ॥
सम्बर्त्तः क्षकारः वकेशः शकारः ॥
* ॥
ध्यानम् ।“शशधरमिव शुभ्रं खड्गपुस्ताङ्गपाणिंसुरुचिरमतिशान्तं पञ्चचूडं कुमारम् ।पृथुतरवरमुख्यं पद्मपत्रायताक्षंकुमतिदहनदक्षं मञ्जुधोषं नमामि ॥
पीठपूजां ततः कुर्य्यादाधाराद्यादिशक्तितः ।भूतप्रेतादिभिः कुर्य्यात् पीठासनमनन्तरम् ॥
ज्ञानदात्रे नमः पाद्यं बुद्धिकर्त्रे तथाचमम् ।जाड्यनाशाय गन्धः स्यादर्घ्यं स्याद् यक्षपाय वै ॥
सर्व्वसिद्धिप्रदायेति पुष्पं दद्याद्विचक्षणः ।कुन्दपुष्पं समादाय भैरवान् पूजयेत्ततः ॥
असिताङ्गो रुरुश्चण्डः क्रोध उन्मत्तसंज्ञकः ।कपाली भीषणश्चैव संहारश्चाष्टमः स्मृतः ॥
ततो धूपादिकं दत्त्वा प्रसूनानि बिसर्जयेत् ।तैः पुष्पैः पूजयेदष्टौ यक्षिणीश्च विशेषतः ॥
सुरारिसुन्दरी चैव मनोहारिण्यनन्तरम् ।कनकावती तथा कामेश्वरी च रतिकर्य्यथ ॥
पद्मिनी च नटी चैव अनुरागिण्यनन्तरम् ।पूज्या एतास्तु योगिन्यो हृल्लेखाबीजपूर्व्विकाः ॥
एवं संपूज्य देवेशं लक्षषट्कं जपेन्मनुम् ।घृताक्तकुन्दपुष्पैश्च एकादशशतानि च ॥
जुहुयादेधिते वह्नौ कान्तारे पितृवेश्मनि ।एवं सिद्धमनुर्मन्त्री महायोगीश्वरो भवेत् ॥
”इति तन्त्रसारः ॥
प्रकारान्तरं कुक्कुटादितन्त्रे द्रष्टव्यम् ॥